ვიკიმედია საქართველო/სამეურვეო საბჭო/ოქმები/2025/2025-03
13.04.2025
დისტანციურად
ვიკიმედიის მომხმარებელთა საქართველოს ჯგუფის სამეურვეო საბჭოს კრების ოქმი №2025-03
(არასამეწარმეო (არაკომერციული) იურიდიული პირი „ვიკიმედიის მომხმარებელთა საქართველოს ჯგუფი“ [ს/ნ 400272110])
ა(ა)იპ „ვიკიმედიის მომხმარებელთა საქართველოს ჯგუფის“ (ს/კ: 400272110) სამეურვეო საბჭოს სხდომა შედგა 2025 წლის 13 აპრილს, 21:00 საათზე. სხდომა ჩატარდა ონლაინ პლატფორმა Google Meet-ის საშუალებით. სხდომას ესწრებოდა სამეურვეო საბჭოს 4 წევრი, შესაბამისად, სხდომა უფლებამოსილია.
სხდომის ჩატარების შესახებ ინფორმაცია წევრებს სხდომის ჩატარებიდან ერთი კვირით ადრე დაეგზავნათ, წესდებისა და კანონმდებლობის სრული დაცვით.
სხდომას თავმჯდომარეობდა დავით ასრიაშვილი.
კრებას ესწრებოდნენ
- დავით ასრიაშვილი;
- ბექა ბაიაშვილი;
- გიგა დოგუზოვი;
- ეკატერინე მაისურაძე.
კრებას არ ესწრებოდნენ
- მარიამ ქვარცხავა.
დღის წესრიგი
- „ვიკიმედიის მომხმარებელთა საქართველოს ჯგუფის“ ზაფხული ახალგაზრდების ვიკიბანაკის შესახებ ინფორმაციის მიწოდება.
- „ვიკიმედიის მომხმარებელთა საქართველოს ჯგუფის“ ბალანსზე არსებული „DJI Mini 2“ უპილოტო საფრენი აპარატის (დრონი) ორგანიზაციის ბალანსიდან ჩამოწერა (მოხსნა).
- „ვიკიმანია 2025“ სასტიპენდიო განაცხადების მიღების დაწყება და შესაბამისი კვოტების შემოღება.
- ცენტრალური და აღმოსავლეთი ევროპის ვიკიმედიელების შეხვედრაზე (Wikimedia CEE Meeting 2025) დასასწრებად სასტიპენდიო განაცხადების მიღების დაწყება.
კრებამ იმსჯელა / დაადგინა
- „ვიკიმედიის მომხმარებელთა საქართველოს ჯგუფის“ ზაფხული ვიკიბანაკი გაიმართება ქალაქ ახალციხეში, იქვე მდებარე „ახალციხე ინნ“-ში, 24-28 ივლისს. ორგანიზაცია საამისოდ უკვე დაიწყო ვიკიბანაკის მონაწილეების შერჩევის პროცესი, რაც ივნისის ბოლომდე დასრულდება.
- „ვიკიმედიის მომხმარებელთა საქართველოს ჯგუფის“ სამეურვეო საბჭომ ერთხმად მიიღო გადაწყვეტილება ორგანიზაციის ბალანსზე არსებული „DJI Mini 2“ (სერიული ნომერი: ...) უპილოტო საფრენი აპარატის (დრონი) ორგანიზაციის ბალანსიდან ჩამოწერას (მოხსნას). ორგანიზაცია შემდგომ ეტაპზე იზრუნებს ახალი დრონის შეძენაზე.
- „ვიკიმედიის მომხმარებელთა საქართველოს ჯგუფის“ სამეურვეო საბჭომ „ვიკიმანია 2025“ დასასწრებად ქართულ ვიკისაზოგადოებას 3 სასტიპენდიო ადგილი გამოყო. ვიკიმედია საქართველოს სტიპენდიის მისაღებად, პირს უნდა განხორციელებული ჰქონდეს ვიკიმედიის პროექტებში ბოლო ექვსი თვის (1 ოქტომბერი 2024 – 1 აპრილი 2025) მანძილზე მინიმუმ 2 000 ათასი რედაქტირება.
- ცენტრალური და აღმოსავლეთი ევროპის ვიკიმედიელების შეხვედრაზე (Wikimedia CEE Meeting 2025) დასასწრებად, ვიკიმედია საქართველოს სამეურვეო საბჭომ შემდეგი ფორმულა დაამტკიცა: შეხვედრას დაესწრება 1 სამეურვეო საბჭოს წევრი და 1 ქართული ვიკისაზოგადოების წევრი. ვიკისაზოგადოების წევრის ასარჩევად გაიხსნება სააპლიკაციო ფორმა.
[ხელმოწერა] დავით ასრიაშვილი (სხდომის თავმჯდომარე)